Texniki baxış zamanı qaz kəmərlərində və avadanlıqlarında qaz sızmalarının yerlərini, dərəcələrini  müəyyən etmək üçün xüsusi avadanlıqlarla  təchiz olunmuş avtomaşınlardan,  mobil qurğulardan, xüsusi detektorlardan,  yeraltı kabellərin, polietilen və polad boruların yeraltı istiqamətini, kəsişmə və qaynaq nöqtələrini  müəyyən edən cihazlardan istifadə olunur. Qaz sızmalarının yerini və dərəcəsinin vaxtında aşkar etməklə  baş verə biləcək  yanğın, partlayışların qarşısını almaq, qaz itkilərinin həcminin azaldılmasına yardımçı olmaq və ətraf mühitin qorunmasına töhfə vermiş oluruq.

Qeyri-dağıdıcı nəzarət metodu olan NDT UT – ultrasəs defektoskopiyasının tətbiqi ilə metal qaynaq tikişlərində, (borular, müxtəlif metal konstruksiyalar) polad qaynaq tikişlərində ultrasəs ilə defektlərin müəyyən edilməsinə imkan verir.

“Təmiz Qaz” QSC inspeksiya orqanının əsas məqsədi diagnostikaları yüksək dəqiqliklə aparmaq, sifarişçilərə qaynaq tikişlərinin keyfiyyətinə dair rəy təqdim etmək və gözlənilən fəsadlar barədə sifarişçiləri xəbərdar etməkdir. Fəaliyyət zamanı müasir standartlara cavab verən cihaz və avadanlıqlardan istifadə olunur.